Какви вештини се потребни?

Кога читате наративи, посебно според оценувањето според PISA, важно е да се фокусирате на клучните вештини на читањето со разбирање, кои ќе ви помогнат не само да го разберете раскажаното, туку исто така критички да се осврнете на истото. Тука се дадени вештините што треба да ги развивате:

 

 1. Помнење на информации                                             

Ова значи идентификување на конкретни детали од текстот. Можеби ќе добиете прашање да откриете кој што направил, каде и кога. На пример:

  - Прашање: Кој е главниот лик и со кои предизвици се соочува?

   - Одговор: Главниот лик е Алиса и таа се обидува да ја реши мистеријата за исчезнатиот клуч.

 

 2. Носење заклучоци

Во наративите, не е сè кажано. Вие треба „да читате меѓу редови“ за да разберете што навистина се случува.

• Прашање: Зошто протагонистот го избегнува антагонистот за време на забавата?

• Одговор: Протагонистот го избегнува антагонистот поради минат конфликт што не бил разрешен, иако тоа директно не се спомнува.

 

 3. Толкување на темите

Треба да научите да ги разбирате подлабоките значења и пораки на расказот. Што се обидува авторот да каже во врска со животот или човековата природа?

• Прашање: Која е главната тема на романот и како се прикажува преку постапките на ликовите?

• Одговор: Главната тема е пријателството и се прикажува преку волјата на ликовите меѓусебно да си помагаат и покрај личниот ризик.

 

 4. Анализа на текстот

Ова вклучува формирање мислење во врска со текстот врз основа на доказите. Дали се согласувате со одлуките на ликовите? Дали сте задоволни како завршува приказната?

• Прашање: Дали сметате дека протагонистот го направи вистинскиот избор во кулминацијата? Зошто или зошто не?

• Одговор: Да, бидејќи неговата одлука се поклопуваше со вредностите што авторот ги градеше во текот на расказот, како што е храброста и искреноста.

 

 5. Размислување и поврзување

Дали се препознавате во ликовите или ситуацијата? На кој начин раскажаното прави различно да размислувате за светот?

• Прашање: Како искуствата на ликот во расказот ги поврзувате со предизвик со кој вие сте се соочиле во животот?

• Одговор: Борбата на протагонистот со самодовербата ме потсетува на ситуација кога требаше да презентирам пред класот и како надминувањето на стравот ме направи да се чувствувам посилен/а.

 

Критериуми за процена

1. Разбирање на текстот: 

   Учениците мора да покажат способност за помнење на информации од наративот, да ги откријат мотивите на ликовите и да ја идентификуваат темата и симболизмот во текстот.

 2. Толкување и процена: 

   Учениците треба да покажат вештина за толкување на подлабоките значења од дејствата и околината (како што е шума која го симболизира непознатото) и да ја проценат улогата на клучните елементи како што се сликите и средината каде што се случува дејството како засилувачи на расказот.

3. Ангажираност во однос на текстот: 

   Учениците треба критички да се ангажираат во однос на текстот, преку формирање добро осмислени одговори на отворените прашања што бараат повеќе од само изнесување факти, осврнувајќи се на откривање на нештата, наследството и идентитетот.