Што се информативни текстови?

Информативните текстови се текстови што не се измислени и имаат за цел да објаснат, информираат за одредена тема или да ја опишат. Овие текстови се организираат логично, често користејќи јасни структури што им помагаат на читателите да го следат аргументот или да го следат текот на информациите. Тука се дадени највообичаените типови информативни текстови:

-    Статии/написи: Тие се среќаваат во весници, списанија или онлајн платформи и даваат информации за тековни случувања, научни откритија или општи информации.
-    Есеи: Тие се текстови каде што авторот разгледува одредена тема или аргумент на структуриран начин, често давајќи свој осврт на темата.
-    Извештаи: Извештаите даваат детален приказ на истражување, експерименти или истраги, со податоци и заклучоци што се базираат на докази.

​

Пример за информативен текст и анализа

 

Ајде да разгледаме еден пример на извадок од статија:

 

Пример извадок: 

„Прекумерниот риболов значајно ја намали бројноста на неколку

видови, вклучително туната, бакаларот и плавицата. Еден од

поновите извештаи на Светскиот фонд за див свет (World Wildlife

Fund (WWF) информира дека популацијата на одредени видови се

намалила и повеќе од 90% во последните 50 години. Ваквиот пад

во бројноста на овие риби не само што влијае врз биоразновидноста

во морињата, туку исто така влијае и врз животите на луѓето што

зависат од риболов за заработка на приход.  Во многу области

вложени се напори да се регулира риболовот, но незаконскиот

риболов продолжува да ги подрива ваквите регулативи“.

 

Главна идеја: 

Главната идеја е дека прекумерниот риболов драстично го намалил

рибниот фонд и влијае и врз поморската биоразновидност и врз економијата.

 

Придружни информации: 

• Прекумерниот риболов причинил намалување од 90% на популацијата на одредени видови.

• Ова влијае на биоразновидноста и на заработувачката на луѓето.

• Незаконскиот риболов ги подрива регулаторните напори.

 

Причина и последица: 

Причината е прекумерниот риболов; последиците се намалена бројност на одредени видови риби, штета по биоразновидноста и економски последици за заедниците.

 

Толкување: 

Иако постојат регулативи, тие не се доволни да го решат проблемот поради незаконскиот риболов.