Какви вештини се потребни?

За целосно да ги разберете и процените информативните текстови, треба да развиете низа вештини за критичко читање. Овие вештини се клучни за рамката на јазичната писменост и читањето соразбирање, кои се фокусираат на способноста за присетување на прочитаното, толкување и процена на информациите.

 

 1. Лоцирање и помнење на информациите

Способноста за брзо да ги најдете важните информации или конкретните факти е важна вештина кога читате информативни текстови.  Треба да можете да ги идентификувате клучните информации како што се статистички податоци, датуми или аргументи.

• Прашање: Какви докази дава авторот за да го поткрепи тврдењето дека загадувањето со пластика му штети на морскиот свет?

• Одговор: Авторот цитира студија која покажува дека 90% од морските птици голтнале пластика.

 

 2. Разбирање на главната идеја

Треба да можете да ја идентификувате главната поента или теза на текстот. Што сака авторот да објасни или аргументира?

• Прашање: Која е главната идеја на статијата за електричните автомобили?

• Одговор: Главната идеја е дека електричните автомобили се клучно решение за намалување на емисиите на јаглерод.

 

 3. Носење заклучоци

Понекогаш, информативните текстови упатуваат на информации без директно да ги наведат. Вие треба да заклучите нешто од податоците што ви се дадени.

• Прашање: Што можете да изведете како заклучок од ставот на авторот за владините политики поврзани со климатските промени?

• Одговор: Авторот упатува на тоа дека тековните политики не се доволни нагласувајќи дека тие бавно или воопшто не се спроведуваат.

 

 4. Разбирање на причината и последицата

Многу информативни текстови го разгледуваат односот меѓу настани или концепти, особено причината и последицата.

• Прашање: Според извештајот, која е последицата од сечата на шумите врз биодиверзитетот?

• Одговор: Извештајот наведува дека сечењето на шумите води до губење на живеалиштата, а тоа пак предизвикува намалување на биоразновидноста.

 

 5. Процена и критика

Од клучно значење е да се процени веродостојноста на информациите и колку се силни аргументите што се презентирани. Дали се веродостојни изворите? Дали аргументот е логичен и добро поткрепен со докази?

• Прашање: Дали според вас аргументот на авторот е уверлив? Зошто или зошто не?

• Одговор: Да, аргументот е уверлив бидејќи е поткрепен со повеќе студии од реномирани извори како што е Светската здравствена организација.

 

 6. Размислување за информациите и нивна примена

Треба да можете да го поврзете она што сте го научиле од текстот со другите информации/знаења или сценарија од реалниот живот.

• Прашање: Како информациите од овој есеј за обновлива енергија е поврзан со тековните политики за енергетиката во вашата земја?

• Одговор: Во мојата земја, фокусот е сè повеќе свртен на соларната и енергијата од ветер, а тоа се поклопува со дискусијата од есејот за глобалното свртување кон обновливите извори на енергија.